Un inquilino quérese ir un ano antes de que venza o contrato de aluguer

Asinei un contrato de aluguer por tres anos, pero gustaríame mudarme de piso un ano antes do pactado. Estou obrigada a pagar a totalidade da renda ata o vencemento do contrato? ¿Cales son as consecuencias se me vou antes?

O prazo pactado no contrato de arrendamento considera os dereitos tanto do arrendador coma do arrendatario. Nel establécese que o arrendatario está ligado á duración do contrato, polo que non poderá desistir unilateralmente sen sufrir as consecuencias do incumprimento contractual: a indemnización por perdas e danos. A Lei de arrendamentos urbanos de 1994 é moi clara neste apartado: en alugueiros de duración pactados superiores a cinco anos, o inquilino poderá desistir do contrato así que transcorra este tempo e sempre que se avise o dono da vivenda cunha antelación mínima de dous meses. Agora ben, en contratos de duración inferiores a cinco anos, a lei non regula esta situación, polo que é cómpre axustarse ao documento asinado. Por iso debe ler o contrato e comprobar se se lle penaliza ou non por deixar a vivenda antes do prazo. No caso de que o contrato recolla unha indemnización pactada deberá aboala cando entregue as chaves, momento en que deberá recibir devolta a fianza, salvo que houbese danos na vivenda dos que o arrendatario deba responder. Se, polo contra, o contrato non di nada ao respecto, o dono do piso poderalle reclamar perdas e danos, aínda que non necesariamente todas as rendas que resten ata o vencemento do contrato. Enténdese que a indemnización comprendería as rendas polos meses nos que a vivenda permaneza desocupada e libre, xa que noutro caso se daría unha situación de enriquecemento inxusto.

Relacións deste contido

Información de Copyright e aviso legal

En CONSUMER EROSKI tomámosnos moi en serio a privacidad dos teus datos, aviso legal. © Fundación EROSKI