Desexa instalar un sistema individual de gas e deixar de pagar as cotas de calefacción central e auga quente

En pouco tempo ocuparei unha vivenda da miña propiedade que sempre permaneceu alugada. A miña intención é facer reformas importantes, como instalar un sistema individual de gas. Pero o edificio xa dispón de calefacción e auga quente central, aínda que para min os gastos son bastante elevados, xa que paso longas tempadas fóra da casa. Podería facelo e deixar de pagar as cotas comunitarias correspondentes á auga quente e a calefacción?

O sistema central de calefacción é un elemento e servizo común ao que todos os propietarios teñen que contribuír, polo que ningún pode por si mesmo excluírse do gasto. Precísase a aprobación unánime da Xunta para deixar de pagar. Hai que ter en conta que no servizo de calefacción central se inclúen dous gastos: o de mantemento, conservación e substitución do sistema, e o do consumo. No primeiro sempre hai que contribuír, con independencia do uso que se faga do servizo, salvo que a Xunta autorice o contrario por unanimidade. E no tocante ao gasto por consumo, hai que distinguir as comunidades nas que o consumo se mide por contadores individualizados ou comúns. Se na comunidade da persoa afectada o consumo está individualizado, pode esixir deixar de contribuír por este concepto. Pola contra, e para deixar de pagar, precisará o permiso da Xunta de Propietarios mediante acordo tomado por unanimidade. Para dispor da exención de pagamento, convén que lle solicite ao administrador que se inclúa esta cuestión na orde do día da próxima Xunta.

Relacións deste contido

Información de Copyright e aviso legal

En CONSUMER EROSKI tomámosnos moi en serio a privacidad dos teus datos, aviso legal. © Fundación EROSKI