- Kokapen honetan zaude: Hasiera > Paperezko bertsioa > Praktikoena > Lege-aholkularitza
Zure afera revista.consumer.es aldizkarian konpon dezagun nahi baduzu, jar zaitez gurekin harremanetan. Bistan denez, aldizkari honetatik interesgarrien jotzen ditugun kontsultak bakarrik argitaratuko ditugu
Planoan ikusita erosi zuten etxebizitza, eta 2007ko apirilean emango zietela sinatu arren, oraindik zain daude
2005. urteko ekainean, bigarren etxebizitza erosi genuen, planoan ikusita, eta salerosketa-kontratua ere sinatu genuen. Han esaten zen 2007ko urtarrilerako bukatuko zituztela lanak, eta apirilean emango zigutela etxebizitza. Guk giltzen zain jarraitzen dugu oraindik ere, eta sustatzaileek Udala egiten dute erantzule, arazoren bat dagoelako etxebizitzak energiaz hornitzeko, eta, ondorioz, ezin digute eman erabilera-baimena, nahiz eta etxeak bukatuta egon. Jakin nahi nuke ea badudan eskubiderik kalte-ordaina eskatzeko, atzerapena dela eta. Kontratuak dio, bestalde, gainbalioa guk ordaindu behar dugula; uko egin diezaiokegu?
Etxea emateko epe bat jartzen bada, bete beharra dago, eta ezin da utzi saltzailearen iritzira, ez bada gertatu zerbait oso larria eta ezinbestean atzeratu epea. Hau da, atzeratzen dena ez da ari -ez beti, behintzat- kontratuan eman duen hitza jaten, zenbaitetan eduki baitezake arrazoiren bat hori egiteko. Saltzaileak dio arazoa Udalak sortu duela, ez berak, hari baitagokio lehen erabilerarako baimena ematea. Erosleak, beraz, jakin behar du zehatz-mehatz non dagoen hutsegitea: ea eraikitzaileak errespetatu duen jatorrizko proiektua, ea zergatik ez duten eman lehen erabilerarako baimena, zein zen lanak bukatzeko epea, eraikitzaileak noiz eskatu zuen lehen erabilerarako baimena? Hori jakin ondoren, errazagoa izango da neurtzea zenbateraino jokatu duen eraikitzaileak utzikeriaz edo ez, eta orduan jakin ahal izango dugu ea kalte-ordaina eska dezakegun atzerapenagatik (adibidez, beste etxeren bat alokatu behar izan badugu oporretarako, edo beste zernahi gastu sortu bazaigu). Gainbalioari dagokionez, berriz, Kontsumitzailearen Legearen testu berrituak dio saltzaileak ordaindu behar duela.
Eduki honen erlazioak
Interesatzen zaizu
Ekintza honek Bizkaiko Foru Aldundiaren Kultura Sailaren laguntza jaso du
Orrialde honen baliabideak
Nabigatze-menuak
Web honen atalak
IKERKETA
GAURKOTASUNA ETA AISIA
Ontziko laranja urak 
10 futbol baloi 
Beste zerbitzu batzuk
Copyright-i buruzko informazioa eta lege-oharra
CONSUMER EROSKIn zure datuen pribatutasuna oso garrantzitsutzat jotzen dugu, lege oharra. © EROSKI Fundazioa