Bizilagun berriak iritsi, eta guztiei dagozkien gastuak ordaintzeko sistema aldatu nahi dute

Aldi batean, guztien artean ordaindu beharreko gastuei aurre egiteko, pisu bakoitzak zeukan metro kopuruaren arabera ordaintzen genuen etxejabe bakoitzak, baina gero erabaki genuen zenbait gastu guztiok berdin ordainduko genituela; adibidez, igogailua eta eskailera. Baina, orain, bizilagun berriak iritsi dira, eta hara zer proposatu duten: etxebizitza bakoitzaren metro kopuruaren arabera ordaintzea edo, bestela, guztiok berdin ordaintzea. Legearen aldetik irtenbide onena zein den jakin nahi dugu.

Jabetza Horizontalaren legeak esaten du pisu eta lokal bakoitzaren jabetza-agiriak zehazten duela bakoitzak zer zati hartu behar duen bere gain. Baina legeak, hala ere, aukera ematen du etxejabeek beste sistema bat erabil dezaten, betiere, aho batez erabakitzen badute. Beraz, onargarria da sistema mistoa erabiltzea, eta, batetik, bakoitzak dagokion zatiaren arabera ordaintzea gauza batzuk, eta, bestetik, zenbait gastu (igogailuarena eta eskailerarena) guztiek berdin ordaintzea. Izan ere, pisuen eta lokalen artean alde handiak daudenean, ez da batere orekatua guztiek berdin ordaintzea. Horrek arazoak sortzen ditu etxejabeen artean. Zuk kontatu duzun kasuan, etxejabe zaretenok beste sistema bat ezarri nahi baduzue, egin dezakezue (aho batez erabakita, betiere), eta kuotak finkatzeko orduan, metro kopuruak ez ezik, kontuan har ditzakezue beste zenbait alderdi: etxebizitzak barrualdera edo kanpora ematen duen, non dagoen eta bakoitzak zenbat erabiliko dituen guztientzat diren zerbitzuak.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du

Copyright-i buruzko informazioa eta lege-oharra

 CONSUMER EROSKIn zure datuen pribatutasuna oso garrantzitsutzat jotzen dugu, lege oharra. © EROSKI Fundazioa